天豬發情期照護同相處指引

1. 屬正常生理現象：乸天豬大約每 14–17 日發情一次（持續 1–2 日），常見扭屎忽、發出咕嚕聲、騎乘同伴；公天豬性成熟後亦常見追逐同標記地盤，都係正常社交同荷爾蒙表現。

2. 公乸一定要分籠：天豬繁殖力極強，未結紮嘅公乸千祈唔好同籠或者一齊放風，避免意外懷孕同近親繁殖。

3. 安撫同低壓環境：發情期情緒比較亢奮敏感，保持 18–26°C 涼爽通風、多畀匿埋屋，少啲強行抱抓同外界騷擾。

4. 同性同住嘅磨擦：同性住埋一齊如果經常騎乘、咬毛，可以加大籠內空間，放多兩個食盆同匿埋屋分散壓力。

5. 維持正常食慾同消化機能：發情期留意進食同飲水，持續提供無限量提摩西牧草同每日一小包高纖草粉，幫助消化、維持腸道健康機能、令排便順暢。

6. 如果出現精神明顯萎靡、胃口大跌或者異常出血，請即刻搵非貓狗專科獸醫。